最近, 好忙咁搞緊搬屋
搬blog, 都要搞, 搞掂咗搬屋,就要真真正正搞好以前既blog既嘢........
忙忙忙,執嘢, 掉嘢,捐嘢, 買傢俬, 度嘢, 係我呢兩個星期做既嘢
下個星期會開始pack嘢
但忙碌中, 好想記得某d大小事, 唔係將來真係唔會記得咁多值得記得既嘢
呢排對住大小姐, 感覺好安慰
返學尚算適應, 無扭計, 無異常, 只係問佢喺學校做乜嘢, 佢只係話食餅, 飲orange juice之類
班主任叫咩名, 今日開始記到講到........
今日妹妹食字母粉, 我無幫佢帶口水巾, 食到成身到濕哂,
好正常
我繼續我既外賣午餐,想好好享受落去,
叫妹妹自行去櫃桶揀件衫換咗去, 差唔多兩歲既妹妹仲係度玩緊.......
家姐聽到我講, 走去拖住妹妹隻手, 「我帶妳去揀件衫, 好冇呀?」
妹妹答「好」
跟住, 真係入房揀咗件衫, 我只係喺廳觀察住,
佢仲幫妹妹換埋衫, 過程有穿錯咗, 但又自行糾正番
兩姐妹一路換, 一路笑到卡卡聲
換衫非常成功, 大小姐好自豪
感覺好安慰, 佢真係幫到手
事件二
昨日, 如常推兩件返屋企, 過埋今個月, 放學唔駛行嗰條路啦
因為月尾會搬去學校附近, yeah
咁, 架b車+兩位小姐+大小雜物, 真係好重咁
佢地重咗, 定係放完暑假, 我仲未適應到?
大小姐見我索哂氣咁
佢問我「媽咪, 我幫妳好唔好呀? 」
「緊係好啦」
然後落車(佢坐後雙人座位b車既後座, 冇用belt)幫我推, 看見著住校裙, 用對小手用哂力咁幫我推,
感動, 一路大力稱讚呢位小女孩
事件三
昨天幫佢地沖涼時 (佢地多數一齊沖, 慳時間麻)
大小姐唔知點解,
突然講咗一句嘢
「媽咪, 我唔想妳老呀~~~」
omg................我覺得呢句實在太感人啦
大小姐經歷過爺爺走咗, 我亦有同佢講過婆婆喺天堂既事, 亦講過爸爸媽媽有日都會老, 都會上天堂, ........
佢突然咁講, 好愛惜我咁
好sweet
我答「妳咁講, 好sweet呀, 媽咪知妳好錫媽咪, 媽咪好開心, 所以媽咪要保持身體健康, keep住靚靚, 將來妳長大, 做嘢, 拍拖, 結婚生bb, 媽咪都要睇住架」
....................唔知點解諗起都想喊, 感覺既甜蜜又感人...亦諗起睇唔到我生bb既媽咪, 不過佢一定喺天堂上眷顧緊我地~~~
事件四
昨晩, 又係昨天, 原來昨天發生咁多值得回味既小事
有隻大大大小強入咗屋,識飛, xyz!@#?,
同b爸合力對付佢, 我叫佢地企喺側近
大小姐雖然驚, 但佢同妹妹講, 「 妹妹, 我地企喺度, 唔好過去呀, 有蟲蟲呀」
妹妹點點頭, 家姐拖住妹妹
大小姐真係越嚟越識照顧人, I am so proud of her~
