一拖二去廸士尼

第一次約同學仔一齊去廸士尼, 係大小姐既同學, 好開心呀~

 

放左學去, 提早少少接佢地放學, 然後直接去, 哈~

 

亦都係第一次一拖二入去玩

 

臨走落雨, 但佢地仍然興奮, 唔夠喉, 因為我地遲入去, 4點到先開始玩

 

JOIN咗做會員, 買年票, 可以密D去!!! 諗住起碼一個月去到一次!抵d!

 

今日睇新聞見到加左價, 好貴, 成人加到$499! 想join既快d join啦, 香港居民呢兩個月可以用舊價join呀~

 

 

童夢城

好過癮喎, 早幾個星期去架啦, 機場既童夢城, 有得體驗不同既職業, 學到嘢架, 兩位小姐都好enjoy, 玩足幾個鐘, 時間好快過, 過多半年有優惠會再去~

救生員, 真係有幫手抬傷者走一個圈

 救生員, 有得射水呀!

 我最鍾意兩個既造型:空中服務員

 睇下我地笑容幾可親切, 好樂意為大家服務~

 太空員

育嬰護士

適合自己的生活

或許這就是我適合的生活, 最近感覺, 好似找對了, 要珍惜現在的生活, 感恩所擁有

前幾日行書店, 見到個日本媽媽, 推住個幾歲小朋友, 拖住個5,6歲左右既哥哥, 佢好FIT, 又好靚, 亦感覺優雅, 不匆不忙咁, 我既志願都係要做一個咁FIT咁靚既優雅媽媽

 

要減去多餘既20磅, 佢令到我腰酸背痛~

本來諗住搵半日工, 但要搵啱人工, 地點, 時間, 原來係咁難

而家做番自己公司接既freelance jobs, + 補習仲好.........仲有彈性

我家下早上做2-3小時既工作, 其餘時間都係屋企嘢

所以諗緊佢地讀書夠竟

全日 vs  半日好

心到煩


全日放4:30pm, 半日12:15pm

兩個唔計飯$, 兩個學費讀全日比半日班夾埋多$3600

諗緊慳唔慳番呢$3600, 用嚟學嘢, 因為返全日班, 平日想學嘢都唔得

但, 當然冇而家時間咁好駛, 喺屋企做一陣嘢, 時間啱啱好, 又要出門口接佢地放學, 亦要安排多d活動俾佢地, 放佢地喺邊度邊度學嘢之類, 咁有時都可以帶佢地去遠d地方玩~

但全日班都有好多好處, 除左我多d時間, 佢地作息好似好左, 早睡早起, 亦唔會有咁多時間食零食, 健康都ok喎, touch wood, 佢地算係咁, 開學到現在, 冇乜傷風感冒~ 自理能力有提升

呢排係咁諗呢樣嘢囉~

瞓足一日

呢兩日感冒失聲, 要好好注意健康啦, 要做番運動!

 

我請SICK LEAVE, B爸湊佢地返學, 佢請半日假, 返嚟湊佢地放學, 

一湊二仲去左玩, 似乎好開心: 

 

 

 

 

夜晚煮左個簡單晚餐, 三文魚南瓜飯, 一齊煲, 哈, 懶人 

 

 

唔係我整架, 友人SEND個嚟, 我想整俾屋企老闆食:

 

 

 

 

hehe, 返嚟啦~

原來我已經3個幾用冇update啦, 妳地最近好嗎? 各位blog友媽媽仲有冇喺度玩呀? 哈, hello, 喂喂喂, 唔知仲有冇人so我呢~

不過有d嘢唔知點解都係喺呢度寫出嚟好過喺fb, 好似方便d~ 太長篇大論喺fb講嘢,好似煩住人咁........又好似用喇叭講緊嘢咁~

暑假開始, 就忙到儍左, 湊兩位小姐, 自己d小生意, 早前本來忙於搵工, 但暫時唔搵住, 接左project都夠做, 好難搵到半日啱人工啱時間既工作, 算吧啦, 暫時擱置

先送上兩位小姐的近照, 妹妹已經剛3歲啦, 家姐4歲9個月

 

 

 

咁樣做自己嘢又會flexible d, 佢地返全日啦, 可以專心喺屋企工作+處理呢頭家各大小任務~

再加埋補習

我喜愛教小朋友, 雖然佢地好多時都會挑皮, 或者有時狀態不佳唔專心唔聽話, 但諗到d方法教佢地, 見到佢地喺英語上有進步, 好大滿足感~

呢排大小姐講左d難聽說話, 令到我好傷心, 喊左出嚟

佢有次激氣時話, 我要第二個媽咪!

最晚又話唔同我一齊住, 要同嫲嫲住!

妳話我幾咁傷心

佢見我喊, 佢又喊, 攬番我, 叫我唔好喊

我知佢一時之氣, 但我都要檢討自己

因為我早排係鬧多左佢, 佢又成日搞妹妹, 爭佢d嘢, 抓佢, 所以我都成日為呢d事好勞氣, 失控, 鬧佢

我要檢討自己, 要再俾多d耐性, 多d溫柔, 多d聆聽, 唔好太多責備.........

開始有習慣寫字條俾佢地, 尤其大小姐:

 

好耐好耐冇煲湯啦, 唔可以成日靠鴻x堂, 咁hea, 兩個有幾聲咳, 煲呢個

無憂無慮的童年

看著兩位豆丁的身影，

 

有時會許多感想

 

有時是感慨

 

有時是憧憬

 

 

 

不是許久之前, 她們曾是呱呱落地的BB

 

給予許多的愛, 耐性, 心機

 

學懂爬、走、跑, 跳, 說話, 跳舞, 唱歌,

 

一步一步的成長

 

一天比一天的長大

 

心智上, 體能上, 行為上,

 

一個還只是一個3歲未夠的豆丁, 而另一個也只是一個4歲半的小朋友

 

 

 

 

須提醒自己繼續努力灌溉這兩棵幼苗

 

不要急, 不要慌

 

給予更多陽光, 水, 及愛心, 讓她們茁壯成長

 

成為堅強, 不屈不撓, 適應強勁, 並充滿陽光氣息的生命

 

長大後能為自己生命畫出發光發亮的人生

 

成就自我, 享受生活

 

 

看見孩子無憂無慮的笑容

 

為能夠帶給她們美好的童年而感到驕傲及幸福

 

 

她們的笑聲, 笑臉, 實在給予我無比的力量及鼓勵

 

讓我持著更多的愛及力量編織著美好的人生

 

令生活充滿著愛

 

我也伴隨著她們不斷學習, 一路成長

 

 

 成為理想的自己

KEEP住正能量

唔知點解, 兩個雖然返左學, 但係好似時間都唔係話多好多~

我既工作效率好似降低左咁?

以前佢地BB D既時候, 妹妹未返學時, 我可以做多D自己嘢, 但而家好似少左呢D時間, 都冇乜時間再為自己生意做更多宣傳工作~

點解呢? 原因可能係......

我煮多左飯? 星期一至五有4晚都會煮飯, 比以前豐富左, 煮得更落力係事實

甚至多左整蛋糕, 家姐唔瞓晏覺, 同佢除左做手工藝, 整蛋糕都好開心

家務做多左, 鐘點走左2個月, 未請到人, 但其實後期只係一星期嚟一次, 有時甚至兩星期一次.........淨係大清潔, 我覺得兩星期一次都可以

用多左時間做運動, 一星期都有5天每天花半小時做運動, 但要堅持, 成為習慣

要KEEP住正能量, 計劃好, 增加工作效率

同埋唔好咁hea, 教兩個小朋友方面

我覺得係hea hea地, 因為我冇積極幫佢地練習中英文, 或者溫習課堂教既嘢

我地既生活主要係吃喝玩樂既性質, 哈哈

家姐有學琴, 但好少練琴.......

學ballet, 佢既興趣係跳舞

冇學其它學術上既嘢

畫畫停左, 搵緊適合既俾兩姐妹

妹妹而家上完柏斯音樂堂冇嘢學

不過暑期班嚟緊

未夠3歲, 好多嘢都未學得

要keep住正能量呀

好好積極利用呢個暑假, 同佢地玩多d

自己又要計劃好, 懷著積極樂觀既心態, 做好自己想做既每一件事~

濕身●海洋公園

慶祝本小姐3X生日, 我地一家四口上星期三去左海洋公園

生日免費, 妹妹免費, 仲有張COUPON, 15%OFF, 400多元一家四口入場, 好抵~

但係下雨天

係豪雨天 V__V


雖然我同B爸成身濕哂, 但我地都冇話攰到嘔,

玩到保安出哂嚟關門為止, 原來臨尾門口水池有精采表演有煙花睇, 7小時喺裡面, 好嘢!

 

妹妹係第一次入去, 即係話我地有好幾年冇入過去玩啦, 呢個係家姐



 

波板糖正! 乖乖排隊必備, 每位小姐一枝, 排隊等CABLE CAR冇嘈過

 

佢地其實都濕左, 不過冇我地咁嚴重啫, 當時我條褲係滴緊水

 

但好開心

 

兩個第一次一齊搭CABLE CAR, 家姐好BB既時候搭過既

 

最後點少得威威天地, 玩左5轉旋轉木馬, 好多旅行團, 尤其強國人走啦, 正!

 

去呢d旅遊勝地, 唔怕濕唔怕曬唔怕攰最怕強國人打尖推撞

我呢d斯文人, 不止10次用國語大聲提醒打哂尖推撞人既強國人"排隊呀!", 真勞氣

嚟玩啫, 做乜要咁趕, 做乜係要俾人話俾人鬧呢~

 

 

睇熊貓, 睇馬騮, 仲有crocodile, 海洋生物.....佢地好似睇熊貓同crocodile最有反應

 

炎炎夏日食個西瓜消暑先, 妹妹自己食左半個

 

要帶b車, 一定要帶, 家姐好叻, 同我地行足咁耐冇怨言

 

喺熊貓餐廳食埋嘢睇埋show, 最後souvenir shop掃埋貨滿足回家

 

 

咁樣開心過左我既生日, 感覺幸福滿足~

與老公的約會

終於有機會拍拖

好耐冇咁..............兩個去嘆咖啡食件CAKE

full of love...i feel so blessed

淺水灣, 好少去, 上前去好似係未生大女? 一D印象都冇.....

 

好靚啊, 住嗰度非富則貴, 但又覺得日日住嗰度應該幾悶下, 買嘢極唔方便

 

 

平民有平民既幸福

 

不過富貴與否, 都可以開心幸福, 又有錢又開心緊好啦, 但重點係不要等口袋要儲到幾多$先覺得快樂, 快樂由現在開始~

 

下次要去呢間嘢約埋姐妹食TEA, 聽聞幾正

 

好快, 我地拍完拖, 就要去湊放學, 然後去左一日全家人濕哂身既海洋公園一天遊~

 

再講~

減肥VS甜食

 

 

已經"努力減肥"了兩個月啦

 

每天做30分鐘運動

 

節食方面........本來係冇乜節食

 

呢排夜晚唔食澱粉質, 主要食菜, 同少少魚或肉, 早餐午餐正常, 或者下午茶食碗粉之類, 夜晚食少左好多

 

開始左一星期左右

 

另外少食多餐

 

目標一星期有兩日盡量low calories

 

 

但仲係好鍾意食甜嘢呀, 仲越嚟越同兩女一齊整甜品添,  點算?

 

 大小姐幫手切士多啤梨

 

一路偷食, 然後偷笑

 

呢幾張相佢好似好大個咁

 

諗住做CREPE, 但吉士醬好結, 唔通太多粉? 味道就好味

 

我愛榴槤, 榴槤大合奏, 榴槤滑嘟嘟, 榴槤班戟等等既榴槤甜品我都愛C了

 

假日去完街車上的小朋友都睡著了, B爸駛去甜品店門口, 讓我獨個兒入去享受一下榴槤的味道

 

呢排喺網上睇左有關台灣馬甲線女神張婷媗既減肥方法, 佢好靚, 完全睇唔出40多歲

 

繼續開心減肥, 努力向目標進發: 50 kg~~~