凍呀凍呀

天氣凍咗好多

昨日家姐冇返學, 帶咗佢去打針, 13價~

妹妹有幾聲咳, 餵咗佢食猴棗散, 快D好番啦

今日要煲個雪梨湯, 早幾日其實都煲咗, 落左川貝, 佢地非常抗拒

今日就咁雪梨雪耳湯, 要飲呀, 天氣乾燥, 又凍

我打既高雄墾丁行程表已經完成咗一大半, HEHE, 有時旅行前既期待同計劃都好令人開心~

上星期日去咗小白鷺同家姐划船, 開心開心

妹妹未夠高呢, 爸爸帶佢玩彈彈床, 但都係唔夠大, 好可憐

不過餵羊都餵得好開心

仲喺嗰度餐廳各自食咗個好豐富既兒童餐

雖然而家既生活好忙, 對手做到鞋哂, 又要兼顧好多嘢, 但係我非常感恩我可以有咁多時間陪伴兩女成長

要做既就放鬆心情, 改善自己既情緒

對住兩個有時曳到出汁既小姐都要鎮定鎮定, 唔容易, 對我嚟我

前幾日極度trouble 2既妹妹激到我喊, 喺公園扭哂計, 唔肯走, 仲賴尿

返到屋企仲要賴c..........

忙碌既時刻, 仲要預備午餐


全部得自己一手包辦

life is not easy for a full-time mom sometimes. take it easy~

再補相, 今日要搞掂淘寶既一大推衫, 快D買佢地返屋企, 家姐大得好快, 原來好多衫都唔啱著啦~

這個月的生活

原來已經成個月冇寫BLOG, 實在太對唔住, 我要寫番嘢

我鍾意寫嘢, 可以耐濕濕碎碎既思緒同生活片段記錄一下, 總結一下, 收集一下, 思路會更清晰

而家朝早就係過咗較為休閒既生活, 兩位小姐返咗學, 但都好充實, HEA唔到, 一個一湊二冇請工人既全職媽咪又點會得閒得去邊, 買食材,備餐, 整理家居, 近排仲要換季

但時間管理令我生活過得更充實, 更開心, 更優雅

生活上我多咗yoga課堂, 跑步, 亦有自己去shopping, 亦同姐妹們high tea, 比以前自由咗

我愛自由


買嘢買嘢


呢個月就係買買買, SOGO THANKFUL WEEK, 周圍又減價, 買衫買鞋, 買手袋, 買床單, 買BODY LOTION, HAND CREAM, 朋友之間頻密WHATSAPP, 互通買嘢資訊, 有D 係VIP有OFFER, 搭單一起買, 有D STAFF OFFER, 乜嘢都買一餐

好似要STOP啦, 係時候荷包要休息一下

但仲未買完, 兩個女既冬季衫仲要補一下, 會淘寶一下

打針

除咗忙買嘢啦,就係近排要撲針, 都驚驚地

要幫家姐搵肺炎鏈球菌13價, 全城都撲緊, 妹妹已經打咗

旅行

諗緊或者旅行返嚟先打定點, 因為一早安排咗10後左右一家四口出發去高雄墾丁

今日要搞好個itinerary

呢排成就

呢排既成就, 就係兩女既成長又進一另一階段,

妹妹已成功戒片, 但未戒夜片 , 去街都開會帶佢去廁所, 但仍要著住片, 平日基本喺屋企已經唔洗著片  

兩個會幫手做家務, 家姐開始幫手一齊洗碗, 兩女輪流洗米, 好愛洗米
者
家姐喺tom lee讀既music wonderland就快畢業啦, 要開始安排佢之後學music既去向, 可能會開始學琴.........

會再嘗諗學ballet, 家姐明確表示有興趣, 尋覓中

試過跆拳道, 唔鍾意

繼續學畫畫, 超鍾意

妹妹開始喺柏斯上music playgroup........tom lee時間地點唔啱呀, 佢講嘢好叻,好多嘢都識講, 識唱好多歌~ 同家姐好明顯兩種唔同性格, 一動一靜

講住咁多先, 要湊放學, 會再勤力d寫blog~