新的一天

啱啱有人俾咗個surprise我, 一個做banker既熟人噤門鐘送咗d利是封俾我

就快新年啦, 原來兩女下星期返多兩日學又放大假

啱啱先過咗三日病假, 昨日返咗一日學, 今天星期五.........又嚟放大假

預備新的一年, 好多嘢要做,

清潔吓間屋啦, 執靚去

年貨都未辦

買咗新電話, 又買咗新電視, 係壞哂先逼住要買

昨日有人嚟安裝咗新既電視, 我地之前嗰部已經夠期啦, 08年到現在, 差唔多啦

屋企細細, b爸買咗呢部40吋, 我覺得大咗d

我近期都成日睇電視, 半夜

discovery channel, 鍾意睇湊仔呀, 生b, -- deliver me, 或者幾胞胎嗰D, 睇吓人地點湊

有一個programme叫 obsessive compulsive cleaners, 都幾得意, 講吓有人一日會花好多個鐘去清潔間屋, 日日如是, 因為有潔癖

而呢個節目會請呢D人去幫一D間屋亂如垃圾堆既人去執屋清潔

原來好多人間屋真係好.........離譜

唔講住, 要去湊放學

1月之星

雖然好少病既我今次都中招, 今天發燒及鼻塞中, 俾兩女傳染了

但食咗藥, 好快舒緩咗, 應該好快好番

呢排越戰越勇,

EQ高咗, 心情好咗, 小朋友病咗扭計, 我都冇話好忟, 自己EQ有進步, 開心

講吓D開心嘢先,

上個星期搞咗個BBQ PARTY, 喺屋企會所

慶祝我地兩位小姐生日, 家姐大女, 同CHARLOTTE

好耐冇BBQ, 亦都係第一次搞個咁齊人既BBQ PARTY

對上嗰次同家人BBQ, 已經係好耐之前, 媽咪仲在生, 10多年前了

妹妹第一次BBQ, 家姐第二次, 第一次係同我一班朋友

呢D開心既活動, 要安排多D, 留下開心既回憶

兩個一齊病

冇病冇痛好幾個月.....

妹妹星期六零晨開始燒, 今天好得多, 退了但又再起了些少少, 冇乜聲, 好攰, 昨日睇咗醫生

家姐今天開始發病了, 超攰, 微燒中

打仗中

全職媽媽最忙的時候就是有人病了, 甚至多過一個人病

自己要保持身體健康

加油

2014年的目標

而家先講2014年既目標, 都唔係太遲, 仲係1月

其實我一直都有KEEP住寫低自己既目標同夢想喺本簿度

雖然好多嘢都只係做到少少, 但其實已經好努力, 希望今年可以再努力向目標邁進更多更多步

努力努力

呢幾排都幾努力吓

喺我既事業上

好似一個BB咁, 就快面世, 要好好湊大佢

經歷咗陀B, 好痛咁生BB, 首幾個最艱辛既日子, 其實冇嘢係難得個呢個既難得又甜蜜既經歷

不過最近有少少波折, 電話壞了, 電視機又壞了, 兩部重要的電器, 快D買部新既

希望喺2014年我可以目標為本咁每天努力地做, 每天行多一步

~~~~

而家有時間就會抽時間到樓下跑步, 或者喺屋企做YOGA拉筋, 希望可以再多D時間跳鄭多燕

減去多餘既嘢, 包括脂肪, 用唔著既東西, 負能量

要增加正能量, 愛, 忍耐, 甜蜜, 笑容~

~~~~

對兩個既管教如何, 我是一個怎樣的媽媽? 這個問題我一直KEEP住問自己

我今年給自己既希望係: 少管教!

冇錯, 少限制, 少命令,需要時用沉默代替喝罵, 少而精既管教

咁要多D耐性, 自己既EQ再提高先得

自己心理質素也要KEEP得好好

所以我好錫自己, 買靚衫, 靚手袋, 用優質護膚化粧品, 近排仲同家姐去咗搞對眉, 哈, 有機會POST前後相上嚟

整容係唔會, 邊有時間

但開始想抗皺囉

要加強anti-aging

仲會成日睇戲, 喺屋企睇dvd呀,

睇書

做運動出一身汗

呢個係我近排keep到好心情既原因----做自己喜愛的事情

~~~~~~~~~~~

仲有就係學習

投資, 煮嘢, french.................

keep reading, writing and enjoying your life with improvement everyday!

 ~~~~~~~~~~~

夢想---------> 就係每年可以自由地帶兩位小姐去我鍾意既地方旅遊甚至住一段時間

瀨尿聲中驚醒

冇錯, 剛起床, 係因為聽到妹妹瀨尿

是的, 我氹兩位小姐入睡時(還要要氹), 自己也在二小姐旁睡著  上格是大小姐

突聲到流水的聲音, 冇錯潺潺聲

我忘記了幫二小姐換上尿片,佢而家睡覺要尿片, 其它時間基本上不需要了

OMG

全濕, 好在發現得早

只是下半身當然要全換, 部分床單位置用紙巾稍為吸乾後再用被舖著........由她繼續好好地睡覺

湊小朋友的生活就是這樣

或許我這個做事不是好細心的媽媽就是這樣

這陣子常搞到自己有D累

多咗娛樂

係呀, 夜晚趁佢地瞓覺睇DVD

我好享受睇戲呀

朝早佢地返學時, 總是忘於家事, 備餐, 聽電台, 睇報紙, 投資功課等

下午, 接放學, 午餐, 公園放電, 沖涼, 講故事, 都搞到3點左右

大小姐有時唔瞓, 或者瞓一個鐘, 瞓3粒鐘既日子唔多啦

二小姐好少少

但佢地nap time多數係唔一樣, 大小姐多數冇咁早眼瞓, 有時二小姐瞓咗係我地一對一既時間, 做功課, 畫吓畫, 睇吓書, 傾吓計

................總之, 自己既時間好似唔係好多咁

要好好分配時間先得

大小姐4歲啦

 

大小姐4歲啦

鍾意唱歌跳舞

佢喺tom lee 既music wonderland課程裡表現得好好, 好投入跟住唱, 跟住做動作, 學彈幾個音, 

畢業啦

報咗跟住既課程, 叫甚麼創意音樂班之類

 都係好玩既親子課程

我都樂在其中

 

佢多咗講故事俾我聽, 

哈, 係呀, 捻起本書講呀講, 但多數都係睇圖片吹牛咁講出另一不一樣既故事

好好笑

我覺得佢係一個好meticulous既人, 做事細心仔細

玩煮飯仔玩到出神入化

將d嘢擺到好靚好仔細

 

愛畫畫

更懂得表達, 會話我知學校邊個邊個病咗, 邊個家長嚟咗講故事之類

喺學校見到妹妹排隊去洗手間呀咁

亦會識得勸喻

妹妹曳曳時, 例如行行吓突然發脾氣唔肯行, 佢會幫手勸喻拖佢走

超勁貪靚, 好重視自己既外表, 出街必定嚷著要著裙, 搞吓個頭先出街

行吓街會問我, 「媽咪,我而家係咪靚呀?」

要求我再紮辮, 整靚d, 有時我會唔多like, 行行吓唔適當既時候又要我幫佢整理

貪靚過頭

 

唔係好整潔, 好似越嚟越唔整齊, 玩完成地玩具唔執嘢, 有時叫到發哂火都唔肯執

但喜愛幫我抹塵, 拖地, 覺得好玩

係咪要俾多d責任佢好呢

 

講住咁多先

穩定情緒

小朋友怒吼實在沒用, 今天上了一場好好的課

叫大小姐執拾她整亂的地板,叫到本是溫柔的聲線變成怒吼.......

有用嗎?

............

事實証明是沒用的

最後她只是大哭, 而我氣憤過後還是要死死氣地自己執拾好

雖然她有向我說對不起

但並沒有因為這樣養成玩完玩具要執拾的習慣

怎麼辦?

以後仍要努力學習冷靜處理


.........................

許多已留下美好回憶的日子未能好好記下

旅行, 聖誕, 新的一年, 大小姐生日廸士尼之旅

許多開心的回憶, 希望有時間一一記下