終於回暖了

雖然我不太喜歡濕漉漉的感覺, 但係天氣回暖實在太好啦

喺育兒上冇咁辛苦, 成日提住佢地著襪, 幫佢地著外套, 沖完涼要拿拿淋, 太凍又唔可以喺戶外玩

不過近日陰天, 快d晴天啦


呢排discovery有做番kate & 8 kids, 但已經係新一輯

佢已經同子女既爸爸分開咗

雖然感覺佢唔係容易相處既人, 都幾易黑面

但好佩服佢能夠好好照顧8個小朋友, 佢係一個極organized既人,

佢亦幾重視自己既事業, 不過為咗自己又好, 為咗小朋友又好, 都應該既

電視買咗一個月剛剛又壞咗.......今日有師傅嚟整, sharp唔係咁差麻? 兩日冇電視睇啦, 希望今日搶修成功~

~~~~~~~~~

朋友知道我重投工作後, 自己請自己, 獲得許多祝福, 我會努力, 樂觀積極做好每一樣我愛做我要做的工作, 讓我全職媽媽生活裡加添自己喜愛的養份及趣味, 也有挑戰及努力~

開張啦

另一里程碑

一直都on and off 有人找我做關於文字的工作, 對於客戶朋友的支持感激萬分

為了更有彈性照顧兩位小姐, 我暫沒有打算回到辦公室朝九晚六的工作

亦是時候好好建立自己的小小小事業, 心底裡還是對文字充滿熱誠, 亦想將之管理為更有系統更有規劃, 更穩定的事業

這是我其中的一項熱愛的工作, 還有其它, 遲少少會一步一步建立起來

做多做少也好, 盡力專注地完成我的工作

文字工作, 主要從事中文英文文件的校對工作, 2500字以下, 確認工作後24小時內可完成~

Express Proofread
http://www.expressproofread.com/

好嘢, 開張啦~

渡假後

今次突然決定去黃金海岸渡假兩日, 見個package都幾抵, 於是乎決定即日打去book, 第二日出發....

遊樂場, 波波池, 沙灘玩沙, 難得呢個weekend不用上堂, 唔駛skip任何既課堂

小朋友越大出門越方便, 不用帶奶, 不用帶尿片, 已經少好多嘢

天氣較為暖咗少少,  不過濕氣重, 有d頭痛

喺屋企不停要抽濕, 昨晚為咗瞓得舒服D開冷氣添, 因為真係好濕

聽日又轉凍喎, 真麻煩


今次去咗酒店既環保農莊參觀, 為我地一家上咗一堂環保課堂

仲喺寒風中玩沙, 不過嗰日暖咗D啦

情人節元宵快樂

今日2月14日, 情人節+元宵

我的愛人, B爸, 兩個小情人, 昨晩因為太凍, 所以同細女瞓, B爸就同大小姐瞓, 太凍啦

呢度更加凍多幾度

剛剛聽天氣報告, 呢個係有紀錄以嚟最凍既一個情人節~

講開情人節, 10幾年嚟都有情人陪我一齊過

而B爸, 亦都係第12年啦

12年

今年, 有3個情人添, 唔係唔係, 我最愛既老爸都係我情人, 4個添

自從做咗媽媽, 每個情人節都已經冇收花啦

不過, 一紮花咁貴, D $攞嚟同兩個小情人去玩好過啦

又唔洗返工, 即係唔洗曬命, 哈

人越大, 越冇咁貪慕虛名

心裡越是富裕, 越容易滿足快樂

我要好好經營自己的人生, 將愛給予身邊的人~

連妹妹都愛打扮...........

 

甜姐兒, 但有時脾氣不太好

 

與媽媽的二人約會

 

hehe

 

二小姐喺柏斯的kulu kulu完成咗一期啦, 繼續玩,

我的簡單焗雞

新年後的回復正常

今天兩位小姐終於返學啦, WAKAKAKA

放咗10多日假, 新年節目非常豐富

與家人朋友把酒暢談, 同朋友聚聚舊, 身邊多咗朋友有了小朋友, 昨日就係探朋友剛滿月既囡囡, 晚上亦要趕去飲兩女既表妹的百日宴,

而我自己都多咗駕車出去, 開始冇咁騰, 享受駕駛的樂趣及方便

呢排飲咗好多支酒, 多數都係紅酒

全家人都鍾意飲酒, 每次食飯總要飲兩杯

今日擰咗隻好細隻既雞出嚟, 試過一次成功焗全隻雞, 好好味, 好有滿足感

係叫做frozen picanton, 幾好味

雖然今年犯太歲, 但我絕對會保持積極樂觀既心情好好地過咗每一天

送上兩位俏皮小人兒的相片: