改善~

新的一天, 復活節完了, 兩位小姐返學啦~

 

 

哭過了, 重拾心情, 只是還是沒有主動與某人交談, 但一起住, 都有一些無可避免的溝通, 例如, 去邊度食飯, 邊個帶家姐/妹妹去學嘢, 之類, 哈~

他就像沒有發生任何事一樣, 就像沒有講過令人心碎的說話一樣,

他也會如常為家庭努力, 買餸買早餐, 今天返工前照顧兩個~

他來自另一星球



我決定暫時放棄同呢個人溝通, 直至佢好好反省, 而我也為此事淡忘為止

做人要懂得放下,

講番d開心嘢

近日超多戰利品, 遲d逐一影相, 主要係好多件衫褲鞋襪啦, 包括兩個寶貝同自己 ~

要停啦~ 買夠啦~



不過要抽時間扮靚靚, 整gel 甲同去植眼睫毛, 呵呵~

另一開心事

我呢排睇左好多集super nanny, 用咗佢既招數, 我覺得處理佢地既扭計, 兩姐妹打交搶嘢, 等等既難搞行為, 好左好多

要繼續努力

仲有仲有
近排勤於安排兩位小姐既暑期班, 有些頭緒啦, 遲d分享吓~


我呢排仲睇緊去旅行添, 希望暑假或暑假後可以去, 下一站想帶兩個去首爾~

我決定要有以下改變~

1. 減少睇fb 電話, 好容易變得addicted, 一唔知做乜就擰起電話睇呀睇, 限制自己唔好check得咁密

2. 安排多d家庭活動, 同朋友既聚會

3. 可以嘗試邀請有小朋友既朋友嚟屋企玩, 之前成日覺得好難搞, 又要照顧兩個, 又要招呼朋友, 但我想帶俾佢地成長既禮物係 "充滿愛的家, 大自然, 朋友, 樂觀積極的生活態度"

4. 繼續跳跳呀跳, 前日跳咗鄭多燕既啞鈴操, 今日都要繼續, 或者去跑步, 全身上上下下各部分減去幾吋肉

5. weekday唔飲茶走, 我係隔日飲的, 太過份了吧~

6. 節約, 慳電慳水, 食物好好利用, weekend也可以煮簡單的, 不一定餐餐出去食, 自己要學習珍惜, 教兩個女如是

7. 不要太夜瞓, 1點前好瞓啦

8. 繼續愛我的家, 保持美好的心情去粉飾自己的屋企, 感恩自己所擁有的~

9. 工作時要工作, 專心

10. 好好享受而家既生活, 愛自己, 愛家人, 愛朋友, 愛兩女~

洋娃娃rock版

我的二小姐非常愛唱歌啊~ 自"彈"自唱起"洋娃娃"~

婚姻

不知從何說起

 

昨晚帶了兩女返娘家住一晚

 

讓大家冷靜一下

 

好在老爸萬分支持及安慰, 還有悉心的照顧

 

 

 

今天回到家了, 有人接我們回家

 

老爸用了個幾鐘的時間, 點化某人的執著, 充滿負能量, 及喜愛責備別人的性格

一次又一次的妥協

 

一次又一次的傷害

 

經歷了今次

 

我的心........

 

只想得到休息

 

未來的路怎樣行順其自然

 

或許要積極一些

 

或許要正面一些

 

但給些時間我吧

 

被人打了一巴掌也總不能立即面露笑容

 

這是比喻

 

沒有被人打

 

只是言語的傷害

 

也可比慾體的傷害更深更痛

2014 Easter @ 小白鷺

 

 趁b爸仲放緊假, 假期某日去了小白鷺探咩咩羊

 

 

 

「羊咩咩"lam"我隻手呀!」二小姐叫著~

 

彈彈床, 家姐玩得, 妹妹冇份, 3歲以上

 

 

有草地有小朋友點少得吹bubble

 

 

復活節活動-阿戊整餅, 步驟俾佢簡化到好流......

只係將d嘢朱古力碎放在個已搓好的粉團上.........

 

整好出嚟個樣~

 

好味過冒險樂園整嗰次, 但過程認真唔夠好玩,

呢幾日趁假期要同佢地喺屋企試下整餅先

 

再去大埔一田行下, 食嘢, shopping~

 

 

 

 

 

2014 Easter @ Cyberport

 

 

又係去左數碼港

 

 除了指定動作去playroom玩一個鐘,

 

然後就係去左草地除bubbles,

 

放風箏, 但唔係好成功, 唔夠高......又好似唔夠風, 或者唔識技巧, 維持唔係好耐跌番落嚟

 

大小姐係喊包, 嗰日

 

異常扭計, 呢幾張笑樣, 係玩到接近尾聲先心情好d, 

 

兩位小姐都有擦損.........唔緊要啦, 少少苦楚

 

由於兩位小姐唔太合作, 所以好攰

 

第二日要走去按摩按兩parts先好d~

媽媽與女兒的最新大頭相

 

 

帶眼鏡既家姐先出場, 登登登~

 

經過多番既鼓勵同讚賞, 今日去攞眼鏡, 佢由最初極度抗拒到今日欣然接受,

今日帶左大部分時間, 實在可喜可賀~

 

 

 

副眼鏡係由B爸同佢去揀, 好輕, 超輕, 韓國的, 第一日帶都冇話唔舒服, 又唔會有印

 

佢話睇嘢清楚左

 

佢係雙眼200度散光, 如我冇記錯, 視光師話佢咁深散光再加上遠視睇嘢只係得4成......是先天的

 

咁帶同唔帶眼鏡應該好大分別 

 

 

 

大眼妹的妹妹....有冇遺傳我既視力問題呢?

佢由細細過, 我已經留意到佢其中一隻眼睇嘢會唔夠focus, 好似望左去第二度咁,

但唔係all the times, 佢比較攰既時候會出現呢個現象

 

其實我細個都有呢個問題, 仲俾屋企人笑過我....shirley shirley, "蛇呢""蛇呢"

話我由細都大都有蛇呢眼, 叫shirley就最啱!

大大下就好d唔覺呢個問題~

 

記憶中, 我細個好似睇嘢都唔係太清楚, 中一先開始帶眼鏡, 睇嘢比其他同學弱,

聽嘢又係弱d咁, 人地聽到既嘢我好多時會唔清楚...好慘~

 

 

醫生同母嬰健康院check過二小姐, 就咁睇話唔覺有野, 一般4歲先有得詳細驗眼,

poly就可以幫4歲以下驗,

book左, 但要等半年, ~

 

 

平時貪靚, 出街多數係帶CON, 今日起我會多D帶眼鏡, 陪伴家姐適應帶眼鏡既日子

 

 

加油呀, 我既寶貝女!!!

復活節假的第一天

 

復活節假的第一天

 

公園打鞦韆, 吹bubbles~

 

 

 

 

 

 

 

 

 

遇見同學仔, 好friend咁手拖手, 一齊玩~

 

 

同佢爺爺傾下計,  但有句說話聽完唔舒服

 

講開佢個女....請工人姐姐湊兩個

 

佢講左句, 「佢搵錢搵得多, 唔會自己湊」

 

全職媽媽= 搵錢唔多先會自己湊?

 

 

點解我對呢d說話仲係有d計較.......

 

 

其實全職湊仔女唔返工賺份唔算少既人工係咪好儍~

 

 我都有諗過返工.........

 

過番一般working mom的生活

 

抽離一下, 過下「正常」的生活, 唔駛24小時對住小孩子,  又多d$洗~

 

又或者返part-time job, 又可以邊打理生意,

 

如果返full-time, 一日最多只係見到2,3個鐘, 學校假期時又未必請到假陪佢地玩,

同而家相差好遠

 

full-time mom目睹佢地好多成長既片段, 呢d又追唔番~

 

所有嘢都係give and take~

 

昨日放學影的:

 

 

諗下d開心嘢先, 呢排減肥好似有少少進展, 條褲鬆左少少咁,

不過前日跳完鄭多燕, 喺mat上跳嗰隻,

 

 

muscle pain到而家, 好痛, 提唔起對腳咁~

 

好啦, 妹妹起身啦, 再講~

上星期五的創意午餐及晚餐

 

 

上星期五發揮創意, 企圖weekend前清走雪櫃裡的食材

 

午餐: 南瓜忌廉意粉---再加新鮮番茄仔~ 但佢地兩個一擺番茄入口即LUR, 預計到.....

 

晚餐更加係.....見咩煮咩, 結果煮左:

 

 

麵豉韓國白蘿蔔炒象拔蚌雜丸、白蘿蔔粉絲雜丸、烤靖魚

 

 

 

估唔到家姐勁鍾意食~

 

妹妹反應一般~