2017年目標係:
做個開心既媽咪, 照顧好三個寶寶同老公
脾氣耐性要進步呀, 有時教女教到好忟陣, 要改善EQ!
繼續學好法文, 投資
繼續寫好我要寫既嘢, 繼續努力經營我既business
減肥, 減30磅, 點減好呢? 仲餵緊全人奶, 三女Siena5個幾月, 剛開始食餬仔啦, 希望慢慢我唔洗餵咁多人奶, 個身會修d啦, 諗住餵到1歲左右, 就脫離奶媽既生活。
好想返工呀, 好想有d另類既生活, 到Siena 1歲考慮揾本地姨姨湊半日, 唔知可唔可行呢
好想唔要個工人呀, 始終都唔鍾意外人喺屋企, 但而家唔要會好辛苦, 因好多家頭細務, 二女仲係返半日, 下年就小學啦。呢個工人只係做家務, 煮飯同接兩個女放學, 工作方面尚算合格啦, 照顧3個女方面係冇幫手既,我都唔expect佢幫既。 而已經同我地相處左8個月, d女都唔太like佢。到年尾再考慮一下揾鐘點代替佢得唔得呢?
帶3個去旅行, 聖誕時去左澳門短短3日已經攰到......但我仲係好想去玩既, 期望復活節同暑假都有trips去, 目標日韓。
減少上網時間, 改掉壞習慣, 要專心做好我要做既嘢!
