2017年目標

2017年目標係:

做個開心既媽咪, 照顧好三個寶寶同老公

脾氣耐性要進步呀, 有時教女教到好忟陣, 要改善EQ!

繼續學好法文, 投資

繼續寫好我要寫既嘢, 繼續努力經營我既business

減肥, 減30磅, 點減好呢? 仲餵緊全人奶, 三女Siena5個幾月, 剛開始食餬仔啦, 希望慢慢我唔洗餵咁多人奶, 個身會修d啦, 諗住餵到1歲左右, 就脫離奶媽既生活。

好想返工呀, 好想有d另類既生活, 到Siena 1歲考慮揾本地姨姨湊半日, 唔知可唔可行呢

好想唔要個工人呀, 始終都唔鍾意外人喺屋企, 但而家唔要會好辛苦, 因好多家頭細務, 二女仲係返半日, 下年就小學啦。呢個工人只係做家務, 煮飯同接兩個女放學, 工作方面尚算合格啦, 照顧3個女方面係冇幫手既,我都唔expect佢幫既。 而已經同我地相處左8個月, d女都唔太like佢。到年尾再考慮一下揾鐘點代替佢得唔得呢?

帶3個去旅行, 聖誕時去左澳門短短3日已經攰到......但我仲係好想去玩既, 期望復活節同暑假都有trips去, 目標日韓。

減少上網時間, 改掉壞習慣, 要專心做好我要做既嘢!

friends

Friends

by Shirley Chung

Getting along with joyful friends makes you smile and laugh a lot more.

Getting along with energetic friends makes you act more proactively.

Getting along with smart friends makes you be smarter.

Getting along with generous friends makes you enjoy sharing more.

Getting along with creative friends makes you have more ideas for a better life.

Getting along with brave friends makes you be stronger to tackle challenges ahead.

Getting along with reliable friends makes you learn to be a responsible person.

Getting along with diligent friends makes you do more to achieve your targets.

The end

2016年尾

估唔到咁快到年尾啦!

今年認真多姿多采, 兼忙忙忙

忙完啦, 期待美好安穩的將來

2016年忙左咩? 最大project, 就係忙左生多一個小朋友出嚟, 三小姐

希望有我全職照顧下, 佢繼續健健康康肥肥白白

完成我既生3個既計劃同願望

仲有就係搬屋

呢幾年唔再搬啦

好傷元氣

搬番自己既樓, 唔再租, 搬嚟搬去, 又咁多細路, 過程認真辛苦

搬屋前既裝修, 執嘢, 租倉, 等等等, 都一一挨過了

仲有就係大小姐入左第一自願學校

而家二小姐都註埋冊啦, 下年升小學

三子姐...現在是4個幾月大BB, 努力飲奶

仲有就係煩完請工人既嘢, 幫左手大半年, 雖然唔鍾意有外人, 但呢個時候確要揾人幫手, 下年再諗諗有冇需要

好充實的一年

期待更豐盛既2017啦

猴年

過往一年, 都是過得好忙好忙, 許多時候也佷累, 每位媽媽都是這樣的忙碌吧!

今天是年初一了, 育兒時間也踏入了第7年, 大小姐也6歲幾, 二小姐4歲幾。

這幾年都是放低了事業, 只做freelance賺取微薄的收入,  最近因為太多繁鎖事要處理, 這半年也沒有積極放在這事上, 但覺得自己年紀大了, 又沒有甚麼事業上的成就, 是否是時候要轉型? 為將來儲更多的錢, 為自己作更多打算。有沒有能力轉型? 自己是否能夠放低? 而且還有生第三個的目標, 是否能夠配合, 好好完成目標?

全職媽媽的好處, 就是可以陪伴兒女的每個成長片段, 更能照顧好家庭每一位成員, 也能好好打理家居, 是全職工作的爸爸背後一個很可靠, 令他很安心的照顧者, 全職媽媽不比任何事業女性休閒,  好像這一年, 我的成就:

照顧一家大小的起居飲食, 也托賴全家幾乎沒有看過醫生, 健健康康, 大小姐只看了牙醫, 補了一隻牙, 二小姐也沒有甚麼的, 不過可能因為天生散光要帶眼鏡。我與b爸也在育兒上有進步, 也有上堂進修, 如自己情緒控制及教養女兒上。

過往一年2015年, 我們去了4次旅行: 台中清境, bali, 南韓, 澳門, 大部分都是我安排, 也安排了許多與朋友仔的聚會, 郊遊, 大人小朋友都有得玩的活動, 也帶過兩女去n次廸士尼, 幾百次公園 , 安排了兩女的興趣班。

我也做了幾次義工, 自己也進修法文中, 廚藝都算進步不少, 雖然不是經常煮, 打理家居收納技巧方面也大有進步, 這也是我的興趣。我完成了幾個為將來找工作的公務員考試, 雖然不知是否用得著。

大小姐選小學的過程, 我也付出了許多, 參觀了N間學校, 搜集了許多資料, 與B爸討論達成共識。

而我亦很開心識了好幾個非常要好的媽媽朋友, 大家都關心對方。

我與b爸的感情也維繫得很好的。

這是不是成就? 有時覺得全職媽媽就是將心思時間放在一些看不到實際價值的事上, 但數一數, 想一想, 其實這也是人生的成就吧!

希望猴年我能夠繼續積極為自己為家庭完成每項使命吧!

朋友

獨自湊大小姐的首兩三年時寂寞的, 真的, 沒有甚麼媽媽朋友,

反而生了二小姐後, 她開始讀書, 我開始也識了一班很要好的媽媽朋友

有的無所不談, 互相支持鼓勵幫忙

當中有幾個好啱KEY的本土香港的全職媽媽

真的好幸運, 遇上了投契的朋友

也因而令我湊女的生活多姿多采

也讓兩個女有更多機會與朋友相處

感恩!

5年幾的全職媽媽生涯不知何時終結, 或許我會工作幾年, 再次全職湊也不定, 又或者我碰到好適合又足以養起全家的, 讓她們的爸爸全職湊, 又或許會做兼職, 人生實在可以許多選擇

暫時還未有定向, 但繼續裝備自己

現在樂多於悲, 忙還是忙得緊要, 但比以前更享受

開心

現在的心情是開心的, 因為10月頭考試有結果啦, 估不到考的三科全部滿意, 不用再考!

心情是----->開心+成功感!

這幾天好累, 早兩日4點多起床, 一早出發天都未光未食早餐便駕車接載朋友入廸士尼幫手朋友的婚禮, 做到下午4點多, 不過看見多年的朋友過著幸福的生活我心裡也很快樂~ 這班姊妺也全是我當年結婚的好姊妺~

現在要做法文功課啦, 遲些再打字!!!

法文

對, 我對法國文化有種情意結, 很喜愛的

喜愛法國的浪漫優雅的生活環境及態度

喜愛法國居家設計裝潢及擺設

喜愛法國女人的優雅悠然自得的風格

喜愛法國女人善於保持美好身材

喜愛法國的美食

喜愛法國的牌子

喜愛法文

我的老公也是1x年前學法文時識的.....

時至今日, 我多了些空閒時間, 我開始學起法文啦

重回以前讀過法文的學校-法國文法協會, 再讀10幾年前讀過的同一課程 (見笑了!)

好興奮, 返學的感覺我太喜愛了

讀書的氣氛我也很熱愛

也很開心識了許多國際性的朋友, 一起學習

Bonjour, Je m'appelle Shirley. Je peux parler le cantonais, l'anglais et la mandarine.

識法文既朋友要多些提點我, 我會努力學習的, 為了成為更好的自己, 子女的榜樣, 我要積極完成這個目標------>一年內可與法國人用法文溝通!!!可以用法文表達自己, 看法文戲不用字幕都聽得明~