運動‧人生

我開始會爭取更多機會去做運動

夜晚有時會落樓下跑步, b爸睇住兩個入睡

有時weekend都會一家四口落樓下踩吓scooter, 三輪車, 我就一邊跑吓步, 舒展吓

昨日我仲報咗個yoga class!!!!

明晚去會所玩, 9:30-10:30, 係兩位小姐入睡既時間, 當然又b爸睇住

一星期兩晚, so happy. It has been over 4 years since the last time i attended yoga class!

我好興奮呀, 雖然係會所, 唔會expect個氣氛正到以前喺yoga centre由印度人教有哂印度歌咁正宗咁投入

但可以放低媽媽既身份去上自己鍾意既堂做自己鍾意既嘢, 絕對係我既全職媽媽既人生以嚟最新一頁


呢排, 我仲為咗幫自己打氣, 喺屋企貼上一d好細既紙條, 廁所, 廚房, 房間,  例如「保持心境開朗」, 「享受生活, 珍惜每一刻」...之類

因為有時我都會湊到幾忟吓,

洗洗吓碗, 摺摺吓衫,望到呢d正面文字, 確實有助增強自己既正能量~~~

最近美食

點解點解............張相又係咁......

香菇番茄蘿蔔湯, 參考自文怡既<<悅吃悅瘦>>, 唔洗落肉都好味

 雪梨燕窩湯

鴻星的可愛點心

兩女的下午茶: 面+cranberry juice

兩位小姐都唔鍾意飲...飲啦, 有益架

心境開朗

兩個返哂學LU

忙完一輪家務, 準備午餐, 仲搞埋投資落盤既嘢,好快又要出門口接兩位小姐

今天起, 我要學習一樣嘢, 要時刻提醒自己

就係保持心境開朗, 輕鬆優雅既心情!!!

生活絕對充實

悉心安排美食, 簡單保持家居整潔

我仲要買嘢買嘢, 想買梳化套, 兩位小姐既單人床單

仲有家居香薰

仲有家姐講咗差唔多半年既美人魚衫

仲有就係....鞋櫃.....同埋我想買既鞋款, 喺街度搵唔到鍾意既鞋, 想試吓上網買......

亦目標一星期抽到兩天到樓下跑步

平時喺屋企跳舞, 或至少做個拉筋操

~~~

9月10月近照

屋企樓下散散步

 中秋時同大小姐一起既燈籠

 

9月時去了鑽石山南園蓮池一遊

 

赤柱shopping玩樂

 

極度貪靚既大小姐又自己喺度扮靚靚

 第一次帶大小姐上山拜婆婆, 第二日重陽正日一家人去咗cyberport (明明整好張相, 點解又打橫咗............??? 再整)

 學校假期, 一湊二去咗大本營玩

屋企樓下玩三輪車同scooter

 臨搬前放學搭巴士,平時搭地鐵, 有得搭巴士好開心啊

9月慶祝妹妹生日去咗赤柱食嘢, 但兩個喺車度瞓咗, 食到一半先起身, 都好~

妹妹第一天上學

d嘢outdated哂, 要快d記錄番好, 第日唔記得

妹妹昨日正式返一個上午啦, 同家姐一齊返學, 一齊放學, 返學就由爸媽手拖手兩位小姐上學去

放學就由媽媽獨自湊放學, 不過而家已經搬近學校, 唔駛搭車, 但扭抱情況嚴重, 行番屋企唔計扭計去公園玩呢樣嗰樣10分鐘左右

所以呢幾日我都推番雙人座位b車啦


佢地又可以喺車上食少少水果, 然後推佢地去公園玩吓, 我又唔駛成手書包袋仔, 家姐除咗書包仲有個snack bag, 仲有我自己既手袋, 幫佢地攞, 我要同時攞住4個袋呀, 妹妹個書包又誇張地大, 唔同家姐, 轉咗新款


講番妹妹返學情況, 頭幾日有我陪住, 當然係冇乜嘢


到第一日獨自上一粒鐘, 返學前問佢自己返學, 係咪ok?, 妹妹大大聲答「ok!」, 以佢平時咁硬淨既性格, 我都估佢ok,


但入去時喊得好激烈, 放學見到我即刻扁哂嘴

omg


第二日, 一樣, 好在放學開始冇乜嘢


然後呢幾日都正常了

算適應得相當快

始終佢已經跟我去接家姐放學成年啦, 環境都算熟識啦


就係咁

放學, 呢幾排都好好天

我地去公園玩啦, 睇海睇船, 然後先返屋企

寫意咗好多, 舒服咗好多

以前住嗰度係好方便, 但條路窄, 多人食煙, 多人等位食飯, 仲有地盤起樓掘路等等, 嘈c人

我今日送完佢地返學, 仲去咗super sandwiches嘆個早餐, 熱咖啡~~~ 好耐冇咁啦

3年幾啦,

終於踏入呢個階段

遲d再補相

搬咗冇幾耐, 雖然間屋睇落去算幾整齊吓, 但衣櫃裡, 係一袋袋, 或一推推, 要好好整理番~~~

新居, 新生活

新生活現正開始

好開心, 心情好好

因為搬咗屋, 住既環境好咗

空氣好咗, 樓下環境清靜優雅咗好多

屋內情況更加改善咗好多, 多咗空間, 啱用既飯枱, 梳化, 書架, 書枱, 兩個小朋友既床, 大人既床, 以前唔夠好既, 都一一改善咗, 又因為以前住低層, 又嘈又多昆蟲, 而家已經冇呢個煩惱

新居, 有新傢俬, 新擺設, 新感覺,

最開心係, 全家人都滿意

講到好似入住咗豪宅咁

並唔係啦, 但我已經好滿意, 或者我易滿足啦, 咁樣都好, 期望快快樂樂咁喺度繼續住下去


二小姐今日返第二日學, 開始佢既學校生活

陪佢返咗兩日學, 聽日自己返一個鐘啦

佢地返哂學, 我又要諗諗d時間點安排好.............



 ~~~

 packing, unpacking, 28箱雜物, 仲有清埋雜物洗乾淨d嘢, 仲有文件轉名轉地址等等既工作, 安排搬運公司清潔鐘點, 全部又自己一手一腳做架

有部份難pack易爛就又b爸車過去

而家已經搞掂哂

開心開心~~~

佢地起咗身要飲奶, 再寫.........