前幾日行書店, 見到個日本媽媽, 推住個幾歲小朋友, 拖住個5,6歲左右既哥哥, 佢好FIT, 又好靚, 亦感覺優雅, 不匆不忙咁, 我既志願都係要做一個咁FIT咁靚既優雅媽媽
要減去多餘既20磅, 佢令到我腰酸背痛~
本來諗住搵半日工, 但要搵啱人工, 地點, 時間, 原來係咁難
而家做番自己公司接既freelance jobs, + 補習仲好.........仲有彈性
我家下早上做2-3小時既工作, 其餘時間都係屋企嘢
所以諗緊佢地讀書夠竟
全日 vs 半日好
心到煩
全日放4:30pm, 半日12:15pm
兩個唔計飯$, 兩個學費讀全日比半日班夾埋多$3600
諗緊慳唔慳番呢$3600, 用嚟學嘢, 因為返全日班, 平日想學嘢都唔得
但, 當然冇而家時間咁好駛, 喺屋企做一陣嘢, 時間啱啱好, 又要出門口接佢地放學, 亦要安排多d活動俾佢地, 放佢地喺邊度邊度學嘢之類, 咁有時都可以帶佢地去遠d地方玩~
但全日班都有好多好處, 除左我多d時間, 佢地作息好似好左, 早睡早起, 亦唔會有咁多時間食零食, 健康都ok喎, touch wood, 佢地算係咁, 開學到現在, 冇乜傷風感冒~ 自理能力有提升
呢排係咁諗呢樣嘢囉~
嗯~~~ 我覺得你呢個問題，好多家長都會考慮到，全日班和半日班各有各好處。如果家中財政許可，我自己會選全日班。
回覆刪除半日班既話, 接送一來一回都冇咩時間剩，轉過頭就話放學。全日班會令做媽咪既更好安排時間，至於學野既事，就會安排去星期六/日了~
視乎家長對子女既期望，想佢地可以學各種唔同既興趣班，定想佢地多機會群體生活，你又放多點時間響自己事務上，家庭上?
半日班的話，我相信你會有好一兩日會好忙, 你既事業會被放在晚上, 當她們還在睡覺的時候。
真的好難選擇呀~是嗎?
(係啦~ 我以前都覺得那些日本家長好優雅的呀! 見親佢地都會化點淡妝，穿著得體，好好禮貌，小朋友既書包，鞋襪整潔，仲內裡既物品寫好晒名，裝好一袋袋咁~~真係令我印象好深刻。試過，佢小朋友響校內擦傷左~ 我同佢交帶，寫報告各樣，又同佢 say sorry ~ 但佢地會講返唔好意思~ 帶俾你地麻煩~~真係覺得佢地好客氣，文化上大家有好大分別~ )
當年, 佢地送俾我既紀念禮物，我而家響澳洲仲有留起呢~
打左好多嘢, 以為post左, 又唔見左, 激氣
刪除係啦, 我而家都打消左呢個念頭, 維持全日班, 我都好開心可以聽到妳意見, 我先生都咁講, 上午班, 太趕, 如果我想做d嘢, 咁樣又回復以前忙到甩轆既情況, 何必呢, 而且兩個都適應左, 佢叫我唔好太急進, 唔好再搵工返, 或者心急搵多d jobs, 好似而家咁, 做少少嘢, 其餘時間放鬆下自己好過