已經"努力減肥"了兩個月啦
每天做30分鐘運動
節食方面........本來係冇乜節食
呢排夜晚唔食澱粉質, 主要食菜, 同少少魚或肉, 早餐午餐正常, 或者下午茶食碗粉之類, 夜晚食少左好多
開始左一星期左右
另外少食多餐
目標一星期有兩日盡量low calories
但仲係好鍾意食甜嘢呀, 仲越嚟越同兩女一齊整甜品添, 點算?
大小姐幫手切士多啤梨
一路偷食, 然後偷笑
呢幾張相佢好似好大個咁
諗住做CREPE, 但吉士醬好結, 唔通太多粉? 味道就好味
我愛榴槤, 榴槤大合奏, 榴槤滑嘟嘟, 榴槤班戟等等既榴槤甜品我都愛C了
假日去完街車上的小朋友都睡著了, B爸駛去甜品店門口, 讓我獨個兒入去享受一下榴槤的味道
呢排喺網上睇左有關台灣馬甲線女神張婷媗既減肥方法, 佢好靚, 完全睇唔出40多歲
繼續開心減肥, 努力向目標進發: 50 kg~~~
張婷媗我都有留意呀!, 以前，佢肥起來上, 真係好大份，但而家既佢真係好靚女呀!同埋係好健康既靚~!!
回覆刪除你努力呀~ 有沒有去過fb 鄭多燕健身操@香港交流區? 好多香港人都join 左~
好多人一起做運動，響上面分享心得，當中好多資料都好有用呀~同埋, 我鐘意個谷主會真係"管"住唔俾人有機會sell 野減肥產品, 仲有係成班女仔幾成熟, 諗起好正面，大家亙相鼓勵去做運動。
我反而已整少左好多甜品，以前個個星期都cupcake, 而家少左~
但我自認做少左運動，呢排天氣真係幾凍~~唔係幾想郁~~懶左~~
原來妳都有睇。。。
刪除鄭多燕fb?等我而家走去join先。
妳嗰度天氣好凍？小心保暖呀。呢度好熱，好熱。