今日3月21日, 星期五, happy friday~~~~
兩女既表姐, 即我姪女生日, 15歲啦, 真係大個女啦
想當年, 拖住個人仔, 當年一齊住, 所以同佢都好close吓, 最記得佢3,4歲時, 同佢去街街, 同埋我妹, 大風大兩, 過馬路等燈轉時突然把遮俾風狂吹, 淨番遮柄, 笑死我地3個!!!! 好多呢d趣事回味, 也諗起佢嫲嫲, 即係我媽, 當年佢同個工人姐姐主力湊佢~
而家已經亭亭玉立, 同佢溝通方式當然好大分別, 10年後我兩個囡都差唔多都係咁大, 到時我會點呢, 佢地又點呢? hehe, 到時再諗番起又另一番感覺~
今日雖然happy friday, 但好多嘢令人擔心著, 妹妹嗰班好多同學仔病咗, 昨日有11個人冇返學, 有兩個肺炎, 一個入左院, 聽到小朋友病得咁辛苦, 真係好心痛, 快d打勝仗
我兩個上次流感好番, 但係家姐仲係痰多, 都未清, 周圍都好多菌, 要增強抵抗力, 注意飲食瞓得夠爭取機會做運動先得~ 今日又涼番, 又係陰天..........
妹妹昨日塊面放學後眼肚有血痕, 連皮好深咁刮損, 不是一條普通血痕, 都好深咁既鮮紅好似磨損一躂咁, 老師話係佢自己指甲刮到, 叫我幫佢磨一磨指甲, 的確有少少懷疑, 因為一般刮到唔會咁深卦? 會唔會睇漏眼, 俾乜嘢刮到, 或者曳曳同同學仔爭嘢時碰撞到, 但係都好難知道真相, 心痛著~
架車又未整番,,,,,,來來回回擰去車房整左兩次, 今日再去...........終於問題未解決
昨日b爸放工好晏, join唔到我同兩個夫婦朋友過嚟呢邊餐廳食飯, 我帶埋兩位小姐, 好在佢地好乖, 乖乖自己食, 全程我同朋友傾計冇問題, very good~
仲有仲有, 要讚b爸, 上個weekend, 我兩日都下午自己出咗去, 一日見朋友, 為咗公事, 一日同姐妹high tea, 佢都handle得好好, 我覺得我自由咗少少啦, 哈~
anyway, happy friday!
姪女已15歲~~大個囡啦~~ 已係愛打扮既少女~~
回覆刪除你寫既趣事好攪笑~~呢類既往事點滴令人想起來都會笑呢~
如果遇著全班咁多人病，真係可以湊到都自己湊返囡囡~~但希望天氣好少少, 令大人小朋友都易適應點啦~
妹妹眼肚既受傷好返點未呀? 佢有冇手痕想去擦眼??傷口埋口會易痕的..
羨慕羨慕~~可以抽身同朋友見面食野~~~
可暫時放下家庭中既精神負擔, 實在很好啊~
係呀, 我姪女媽咪話佢買既衫都花佢唔少錢, 10幾歲又會出去同同學仔行街食晚飯....講開買衫, 我好耐冇買衫俾兩女啦, 因有朋友耐唔耐俾d二手衫我, 真係慳番唔少, 但就嚟轉季, 又想去淘寶淘一轉先, 妳近排淘咩多呀?
刪除佢有手痕呀, 剛剛就係昨日俾佢喺學校刮掉左d焦........好在, 佢地新陳代謝快, 好快好番.......
我上次響香港時已淘左批衫~(係響澳洲已淘定到香港就收到~)係自從那次都淘左餐具，已放在blog , 之後一直都冇淘什麼~
刪除那次仲有淘一些鉆石，閃石，係用來"痴"上兩個囡既鞋仔呀咁~pants , ;legging, 因為佢地已唔鐘意著褲，有時出街著短裙，都希望佢地肯put on leggings, so I just stick some sparkle on their pants , they like it and they wear it~
特別妹妹已把香港買回來既dr kong 打入冷宮，我加點閃石俾佢對鞋，佢又肯著返~
哈, dr kong打入冷宮? 我大囡都有對dr kong係同樣命運, putsome sparkles on their pants? what a good idea! 等我都效法吓先
刪除係咪家姐貪靚, 開始要揀衫著, 妹妹見到又跟住....