至於二小姐, 咩都冇份, 只係到場支持家姐, 所以我都好感謝妹妹既支持同參與~
我第一次同個女化妝呀, 好開心啊, 用左:
ettusais既粉底同眉筆
guerlain 同lancome既eyeshadow同胭脂
仲有maybelline既唇膏
都係自己私伙嘢, 冇特登買小朋友既化妝品, 其實有冇? 但都唔會買, 平時點會化妝
玩具反斗城都有, 但嗰d好玩具, 估計質料都應該唔會好得好邊啦......
二小姐冇獎攞又冇得表演扁嘴嗎?
畢業典禮好長, 成3個鐘, 二小姐一直在席上, 算好合作啊, 只係近尾聲時有d唔耐煩因為小事大喊左數次.......
之前家姐彩排, 妹妹接放學
家姐有幾日返學校彩排, 我就同二小姐的單對單約會, 佢都開心啊~
畢業典禮令我好感動, 想喊添
其實上年都係咁, 見到成班k3畢業生一齊上台唱畢業歌, 心情好激昂!
如果係自己個女畢業更加.....我驚會好失禮
今年仲有家長上台小朋友獻花環節, 都好感動!
另外, 家姐進步左好多, 上年攞獎, 上台時係影唔到佢個樣架!
因為上年全程佢個人硬左, 擰轉面,
影相時校長擰佢個頭佢都郁都唔郁呀, 唔敢望前面, 全場有笑聲
今次佢超淡定, 兼保持笑容, 表演時又淡定大方, 記得舞步, 佢有咁大進步, 我真係好安慰~
呢幾篇post淨係講大小姐既威水嘢, 好似好偏心咁, 送上同妹妹one on one既拍拖照:
charlotte好叻女呀! 其實, 我覺得小朋友第一次上台都難免有"協"場。charlotte今次表現得咁好, 真係好抵讚，我都唔會買小朋友化妝品俾囡呀~ 我覺得質素唔會好得過大人用開既靚牌子，而且，又好少用小朋友化妝品~
回覆刪除香港就好啦~小朋友畢業會有大型既畢業典禮~
charlotte件裙裙好靚啊~!! 妹妹而家都望上來大個左好多~~一樣咁可愛~~
係啦, 見到自己個女有咁大進步, 真係好開心
刪除冇錯, 我都咁諗, 大人既靚牌子咁貴, 質素較有保證既...
條裙係學校訂, 佢地30個小朋友一齊表演著呢修裙, 妹妹都好似長大得好快呀