Charlotte第一次彈琴比賽

原來成個禮拜冇上嚟, 因為好忙呀, 佢地今個星期淨係返今日, 其餘日子都係放假~

因為畢業典禮, 有些日子家姐要返去綵排, 但妹妹冇份表演又冇獎攞就唔洗返學, 咁等於每天我冇左半日時間, 哈

星期日我地參加左期待已久, 亦都係一生第一次比賽既2014 yamaha 電子琴大賽, 只係tom lee自己搞的比賽, 但由於係第一次, 我同佢都相當緊張

有冇練琴? 我唔係太虎媽, 唔夠虎媽, 只係盡量隔日叫佢練下, 每次15分鐘都冇!

只旨在參與, 基本期望係佢夠膽完整地彈出我地自選既歌曲:

going on a picnic (只係單手彈)

 

唔計music wonderland, 呢個課程係咪開始左3,4個月啦? 可以單手彈到幾首好簡單既歌,

開始用雙手,

佢左手好似靈活d咁, 係咪右腦發達d?

 

但佢d手指偏短, 仲係擺到唔係咁好, 學習中

 

咁當日表現呢?

 

要去尖沙咀tom lee比賽, 間房有10幾pair家長同學生,

 

叫名就出去彈, 我地係最後一個, 應該係話, 唔知點解漏左我地,

 

明明有報到

 

當佢問仲有冇人漏左時, 我地舉手同佢講, 先搵得番我地個名, 真奇怪

 

 

 

 

 

之前一個一個咁出嚟, 佢睇到好緊張, 緊張到緊握我手臂, 「媽咪我真係好驚呀, 我唔得架」

 

當然我有不停安慰佢, 話佢實做到

 

當時有小朋友好緊張, 有d同佢差唔多年紀, 有d再高一級少少, 學緊book 2, 我地book 1,

 

有小朋友喊住嚟彈, 壓力真大,  真係陰公豬

亦有小朋友坐左上去唔小心chok落嚟, chok親下巴

 

我就同charlotte一齊出去, 抱佢上張琴椅度, 仲未好夠高, 我就番埋位

 

結果, 彈得ok, 雖然節奏欠奉, 頭幾個音係亂彈, (可能搵唔到個do音, 哈) 又顧住望我, 但之後開始左就完整地彈完成首歌, 我相當滿意啦~~~

 

妳咁勇敢, 經歷人生第一次比賽, 媽咪見到妳成長, 好開心啊~ 

 

感覺幸福

 

 

感覺自己其實都好幸福

 

掌握了全職媽媽的節奏, 兩個都脫離左bb階段,

 

我也慢慢融合左自己其它方面既生活, 開始發掘發展另一方面既興趣及工作

 

 

昨日仲俾我遇到我至愛既古天樂

 

 

既紙板,

(兩位小姐, 查實我想同古天樂單獨影相, 可唔可以借開少少)

 

開始對自己既烹飪能力有少少自信, 有能力煮好嘢俾家人食,

(呢個係家庭主婦既基本要求, 但我其實一直學習中)

 

愛上左煮嘢食

經過左一連串低潮後, 然後同兩位小姐既爸爸坦白溝通, 家庭融洽左好多

 

買左呢個魚仔送今天既日本南瓜碎肉粥, 再加烚蛋

 

生活不缺美食

 不缺鍾意既衫褲鞋襪手袋

 

讓我保持美態既化粧品護膚品

 

仲有鄭多燕同其它運動既dvds, 讓我可以隨時隨地做運動

 

流一身汗, 日日做運動, 身體好

 

今日又做左鄭多燕既啞鈴操啦 (一星期一至兩次, 其餘日子跳其它, 或樓下慢跑)

 

終極目標: 50 kg~

 

今次我非常有信心我一定會瘦到!!!! 所以我考慮緊post多d而家既肥相,

希望睇到自己瘦緊既進度~

 

也有足夠既書本, 雜誌, 讓我呢個愛書人隨時隨地看書,

 

 

 

 

 

最近也多去圖書館, 同兩位小姐, 呢排多數借oxford reading tree既書

 

不過好難慢慢挑選自己睇既書, 

 

 只能快速地

 

都已經好好~

 

讓我學習到好多專家分享既知識, 家居布置(鍾愛country style), 烹飪, 親子教養, 減肥瘦身, 投資,

創業, self-help, 呢d都係我好鍾意睇既topics

 

仲有八卦雜誌都好鍾意睇架

 

又可以好輕易咁喺屋企下載套戲睇, 真係好方便

 

閒時下午茶: 一杯熱茶或者咖啡, 再加少少甜食, 真係一大樂事

 

生活真的可以很美好

妹妹的核子檢查報告

報告正常, 好嘢好嘢!!!

由於上年6月左右既尿道炎, 而發現左尿道倒流, 呢個核子掃瞄就係睇下上次既尿道炎有冇令到個腎有問題,

好在係冇事, 上天保祐, 感激~

 

 

 但由於有尿道異常, 仍然要KEEP住食抗生素, 但個醫生又講到, 話而家就有關長期食抗生素有爭議性, 有可能有機會再檢討洗唔洗長期食,

可以唔食緊係好啦, 長期食藥, 其實我個心不知幾痛, 又唔知咁樣第時有咩影響,



但佢又話要等大D, 始終只係食左一年唔夠, 藥性溫和, 而且可以避免再有尿道炎,
好模稜兩可.....

我都唔知點打算, 可能再搵私家醫生尋求意見? 但都好可能答案係模稜兩可

我帶妹妹去醫院, B爸就帶左家姐去玩


所有嘢順利呀

個零鐘後, 佢地然後嚟接我


妹妹一上車即瞓, 超攰

我同唔洗點瞓晏覺既家姐就去左starbucks輕鬆開心地食個tea


妹妹繼續喺車仔上瞓

b爸呢幾日腸胃唔舒服, 唔知係咪俾妹妹傳染左, 唔係好食得嘢,


晚上煮個簡單既豬扒白菜仔味噌湯麵~


我計下條數, 原來煮嘢可以好慳

仲食得幾好, 當然不能避免地要準備功夫, 又要膳後洗碗抺枱既工作


出去食餐飯, 一家四口, 2百幾係最低消費, 好似昨日三母女食元氣壽司, 為左減肥, 我刻意食少左, 埋單都差唔多$200.......

昨日jusco逢星期三超市特價, 有d嘢真係荀到爆, 我駕車去掃貨, 掃左$400食材, 主要係凍肉, 我諗食到1-2星期起碼,

咁我今日而家煮既午餐, 我以前好少計呢d數, 而家計下計下, 午餐, 多數只係$20-30元左右既成本, 仲要係健康衛生既愛心午餐

好似今日咁, 我煮既午餐:

蕃茄豬扒萈菜濃湯長通粉

用咗$20梅頭豬扒既1/3 (昨日煮麵用剩的), 當$8
萈菜$10既1/3左右: 當$5
蕃茄$5有4個, 用左2個, 當$3
長通粉, 一大包, 唔記得幾$添, 可以食4-5餐?,  當用左$5
計埋調味料(哈, 哈) $5左右

 

 

只係$26元!!!

不過未計人工, 哈, 咁我準備時間大約係半小時.........


晚餐通常豐富d, 今晚會焗隻雞, $20, 甚麼法國雞, 中型

再加烚菜 $8

然後整埋冰箱既串燒, 一排有8串左右 $20

計埋米飯

只不過係$50多元~

出面食肯定要200幾300元

準備時間相信只係半小時~ 冇炒嘢煎嘢更加係慳時間!

當然有時買魚買海鮮會貴d, 但多數一家四口都係$100有找

原來一個精明既師奶可以慳到唔少$~

一齊整木糠布甸

 

上星期既事

 

同兩位小姐一齊整左木糠布甸, 好好味, 又易整

 

 

 

佢地自己落:

 

佢叫舖d blueberries喺個甜品上, 佢顧住自己不停食

 

一齊整碎d瑪利餅

 

大小姐早兩個星期講左句令人好驚訝既說話

 

我喺公園同個媽媽傾計,

 

話可能請工人姐姐(最後都係擱置左), 因為我想做part-time

 

 點知, 大小姐聽到即刻走埋嚟話:

 

「如果妳真係請工人姐姐, 我會發癲架!」

 

佢地一直覺得請左工人, 我會返工, 就好似爸爸咁, 夜晚先見到

 

當然個個小朋友都鍾意成日見到爸媽架啦

 

但要搵食都冇辦法

 

佢咁講, 我好驚訝, 因為句說話好老積

 

但又講出佢同妹妹既心聲

 

妹妹曾經喊過好多次, 我一提請人幫手

 

「我唔要工人姐姐!」喊哂口, 流哂眼淚

減肥計劃進展

阿妹好番啦, 安心好多, 講番d開心嘢先~


好似已經近一個月了, 大概係每星期跳到4-5日鄭多燕, 好勤力吓

今天幫囡囡著好衫褲既時候, 我新買的戒指突然鬆脫了

吓? 真係瘦左咁多嗎? 手指瘦先?

全身係瘦左d, 我自己覺, 但熟人未講, 即係未顯著啦

老公就話我瘦左唔少, 但佢......唔太可信, 當我問佢係咪瘦左, 佢既model answer必定係話瘦左好多.......咁多年都係咁, 雖然係咁假, 但好多謝佢既鼓勵

牛仔褲明顯係鬆左

但點解個肚腩好似生完都縮唔返既


食方面, 我冇完全戒甜食, 但係少左好多, 即以前可能日日食朱古力, 而家一星期只係食1-2次左右, 以前日日午餐後多數會加件蛋糕, 冇就食餅乾, 呢一個月好少咁做

正餐都cut咗30%左右, 唔飽, 但唔會俾自己太肚餓,

所以都減得唔辛苦, 做左運動仲健康左


皮膚好左, 壓力少左, 體力好左, 精神左, 少左骨痛

做運動真好~

而家天氣熱, 喺度做完運動, 出好多汗, 感覺好排毒, 兼解壓~

繼續努力

希望今個3x既生日, 6月尾, 送俾自己既禮物係, 回復118-120磅左右~

2014年的母親節-第5年啊

原來我已經經歷左5個做人媽媽既母親節啦~

自己真係大個女, 哈~

 

 

 (兩女送給我的母親節禮物)

 

 不經不覺, 原來已經係中女..........哈哈

今個母親節, B爸為我安排既節目係, 一早買左戲飛俾我同CHARLOTTE去睇

妹妹則留在家中休息, 星期五晚冇煮飯, 天氣一如呢幾日咁, 日日落雨, 冇出街, b爸買外賣返嚟食, 再加mcdonald, 唔知係咪飲左Mcdonald milk shake 同食左薯條, 臨瞓前都唔覺有嘢, 半夜幫佢蓋被時發現佢發高燒~

咁昨日星期六起身就去左睇醫生, 又係過濾性喎, 之後前晚開始有d肚瀉

而今早痾左8次都有, 昨晚半夜賴左大大喺條褲仔度, 陰公豬

(星期五, 學校假期, 大雨, 我地留在家中, 開開心心焗餅, 畫畫睇書, 玩ballons, 二小姐完全冇事)

 (主要係佢地整架, 不過焗時我冇睇實, 顧住洗碗, 有幾塊燶左添)

 

好好食喎

好香牛油

 

(整好少, 再加上掉走燶嗰d, 剩番只係數塊,  兩個爭住嚟食, 我只係食左1塊)

 

(誰不知, 第二天要光顧診所, 等緊睇醫生中)

(今早痾到攰攰地既二小姐, 但仲有精神玩, 夜晚回復8成體力, 睇hi5跳舞)




煲定d白粥, 我就同大小姐出去上堂, 然後睇戲

夜晚都係白粥+烚蛋, 佢都有番胃口, 食左d, 自己主動飲好多水,

下午都只係痾左2次左右, 算ok, 穩定下來, 燒退了, 但黃昏時又有燒, 食左一次, 而家零晨都冇燒, 觀察中

至於睇咩戲, 係spiderman,


但當個成身充滿電既藍色怪人electro出現後, 大小姐顯得非常不安, 然後9成時間擰咩面, 哈

佢話「我真係好驚」

好在keep住食爆谷, 飲汽水, 佢都冇話要走, 我地總算睇完套戲

睇完, 佢keep住講, 嗰個blue monster真係好驚~

都幾好睇, 我鍾意睇呢類戲, 但男主角peter冇以前嗰個咁cute咁靚仔, 女主角就幾好


場戲都算幾場2個幾鐘, 後面個小朋友係咁問佢老豆, 爸爸, 做完未架?

好在charlotte冇話要走

同囡囡入戲院食住爆谷睇場戲, 其實都幾輕鬆, 不過都係揀番d時間個零鐘嗰d好d, 小朋友唔坐得耐~

大半日都係對住爸爸, 二小姐臨瞓前係咁要攬實我, 感覺好sweet~

一個幾輕鬆既母親節

明天應該會俾二小姐休息多一日, 唔返學住~