上星期既事
同兩位小姐一齊整左木糠布甸, 好好味, 又易整
佢地自己落:
佢叫舖d blueberries喺個甜品上, 佢顧住自己不停食
一齊整碎d瑪利餅
大小姐早兩個星期講左句令人好驚訝既說話
我喺公園同個媽媽傾計,
話可能請工人姐姐(最後都係擱置左), 因為我想做part-time
點知, 大小姐聽到即刻走埋嚟話:
「如果妳真係請工人姐姐, 我會發癲架!」
佢地一直覺得請左工人, 我會返工, 就好似爸爸咁, 夜晚先見到
當然個個小朋友都鍾意成日見到爸媽架啦
但要搵食都冇辦法
佢咁講, 我好驚訝, 因為句說話好老積
但又講出佢同妹妹既心聲
妹妹曾經喊過好多次, 我一提請人幫手
「我唔要工人姐姐!」喊哂口, 流哂眼淚
我都有點驚訝，姐姐會識咁樣自己講呢~!
回覆刪除佢地好似好抗拒有工人姐姐~
我今日又整囡囡廚房，我心諗, 如果有工人姐姐就好啦~
佢可以去煮野, 清潔，我可以專心少少快手點整好呢個廚房了~
我囡就話唔想我返工, 話唔定可能佢又會似你囡咁諗，返工就會返成日, 咁佢以為見唔到我~
呢個甜品.其實我都唔識整, 你好勁呀!可以同佢地咁整~
佢地係咁諗呀, 以為我返工就係全日, 我暫時冇咁諗呀, 最多半日
刪除妳有考慮過返工嗎? 妳囡都咁講? 咁又係, 邊個小朋友唔想成日有媽咪陪住, 但有時要搵食都冇辦法
木糠布甸好易整, 好適合親子一齊整