全職媽媽 3年半

做左全職媽媽超過三年半啦

有開心, 有唔開心

有甜蜜, 有辛酸

但係諗番起, 好多嘢都值得



可以陪伴自己寶貝一起成長

 

 

自己也成長左好多

做全職媽媽都學左好多嘢, 又可以親力親為咁去教佢地, 照顧佢地

由當年辭職唔做, 放棄份幾穩定人工唔算低福利仲幾好既工

我成日都好掛住d $架

不過, 呢d成長時間過左追唔番


經濟方面, 唔算得好好

但都唔差啦

不過都算幾符合心目中既幸福家庭

靠兩夫婦齊心合力

不用工人, 也沒有辛苦老人家, 自己搞掂

我都有諗過做番嘢架

始終想賺多d, 香港咩都貴, 競爭又大

但又唔捨得去返成日工, 親子時間咁大幅減少, 再加上冇屋企人睇住


講故事時間又會大幅減少, 受到作家汪培珽的影響, 我係盡量 "餵故事"俾小朋友聽,

每天盡量講, 書不離手, 有時佢地都係自己擰書嚟睇架

經過多年既磨練, 我講故事既技巧都進步好多, 生動有趣 (哈, 起碼兩女覺得係) <---自滿的媽媽

佢地係愛上閱讀, 愛閱讀, 中英文能力好, 也會積極看書尋求知識, 第時學咩都唔難

可以咁樣影響佢地, 令佢地有心個咁好既習慣, 呢個係自己湊既一大成就


佢地獲得既安全感一定比起俾佢地人地湊大好多

工人姐姐, 只會係看住,

又可能會換, 萬一要從新適應新既姐姐, 對仔女都唔係咁好

屋企多個陌生人, 兩個又要同佢地share間房, 始終感覺一定冇咁自由, 冇咁方便, 冇咁似家既感覺

請左個唔好偷嘢污漕唔做嘢都弊~

曾嚴重考慮個請工人姐姐,

都係由於以上原因, 暫時擱置~

點解外國媽媽可以一湊咁多個呢? 部分家庭都係兩個家長都係working parents, 都冇工人呢個物體? 都搞得掂, 點解香港媽媽好似難咁多既?


我其實除左打理自己要繼續努力上軌道既writing business之外, 我都想做少少part-time/freelance, 偏向想教書, 亦偏向想教小朋友或者bb 幼兒 playgroup,  開心d, 不過又冇有關既cert., 唔知入唔入到教小朋友呢行呢

趁佢地返學時教兩三個鐘書, 如果撞正學校假期, 或者趕唔切湊佢地放學, 託兒中心, 或本地鐘點姨姨, 暫託兩三個鐘, 都係考慮之一~

家務工作繁重, 但三年幾嚟都學識左唔少簡化家務同煮食既少少technique, 偏向自己同b爸盡量搞掂+鐘點幫手(或者密d), 當然train埋兩位小姐幫手, 更加係好事, 學會不依賴, 更獨立, 更強的自理能力

咁樣做, 除左可以fulfil吓自己想出去做少少嘢既熱誠, 當然亦想幫輕家庭開支, 儲多d$, 令自己有機會抽離一下, 心情好d, 也希望keep住而家咁, 保留大部分時間教養兩個仲細既小朋友~

唔知咁樣可唔可行呢? 慢慢諗, 慢慢發掘, 人生有許多選擇~

全職媽媽, 3年半

我應該會繼續努力去做, 開心地做~