唔想生BB

有日大小姐突然同我講「我唔想生BB呀, 媽咪」

??? 「點解呀?」

「因為好痛好痛」佢睇過Discovery channel生仔嗰d情景, 佢當時問點解, 我有形容俾佢聽, 生bb出嚟係好痛

「唔緊要啦, 將來大個左先決定啦, 生bb又得, 唔生又得, 雖然好痛, 但媽咪生左妳地兩個寶貝女, 好開心架」

開始性教育題, 4歲半的小朋友充滿疑問地問著:

「點解有bb既? 係咪醫生將個bb擺入個肚度, 然後再打開擰出嚟?」(呢個真係唔知點解佢會有呢個諗法)

「唔係咁架, 係一個女仔同男仔好親密好親密, 攬攬錫錫呀(實在未能再如實仔細形容, 大個少少再講得詳細d吧), 咁肚裡就會出現好細粒(用手指整個小圈)既嘢, 我地叫胚胎, 然後慢慢長大, 有眼耳口鼻, 手手腳腳, 生齊哂, 成個bb咁, 就生出嚟啦, 可能係痾出嚟, 又或者醫生介開媽媽個肚擰個bb出嚟)

「yee............(面露非常反感, 哈) 我唔鍾意同男仔好親密好親密, 咁同爸爸好親密會唔會有bb架?」

「唔一樣架, 第時妳會搵到個好鍾意好鍾意既男人, 嗰個係妳朋友, 唔係親人, 唔係屋企人, 然後, 諗住同佢結婚, 組織家庭, 一齊住, 一齊有小朋友, 然後就會好親密好親密啦」

然後繼續問到篤..................

「咁係咪好親密, 就一定會有bb架?」

「有避免既方法, 即就算好親密, 都唔駛一定有bb, 例如食藥, 嗰d叫做避孕丸, 例如, 媽咪而家生咗妳地兩個, 暫時唔想再生多個啦, 都會用呢d方法, 就算同爸爸好親密都唔會有bb囉」

佢個樣.....好似明解咗好多嘢咁, 唔知係咪真係明, 佢再問, 我都會再不厭其煩解釋,  遲d去library借d有關既書俾佢睇先, 要詳細d嗰d先可能滿足到佢!

一個四歲半的小朋友開始好多點解, 仲要係問到篤嗰隻~